საქართველო "ტვინდემიას" გაუმკლავდება - ეკატერინე ტიკარაძე

,,კოვიდი დასუსტებულია და სხვა ვირუსებიც სახეზეა და მათი ერთმანეთზე თანდებით უკვე შეინიშნება ორმაგი ინფიცირება" - ეს განცხადება ჯანდაცვის მინისტრმა ეკატერინე ტიკარაძემ დღეს 8 ოქტომბერს გააკეთა. 

ტიკარაძის განცხადებით, ქვეყანა ტვინდემიას გაუმკლავდება, თუმცა ის კვლავ მოუწოდებს მოქალაქეებს, რომ ვაქცინაცია ჩაიტარონ, რაც მათი ჯანმრთელობის დაცვის ერთ-ერთი გარანტორი იქნება. 

,,ამის მოლოდინი შარშანაც იყო თუმცა კოვიდმა მოახერხა და ჩაანაცვლა ყველა სხვა სეზონური ვირუსი, თუმცა ამ ეტაპზე კოვიდი დასუსტებულია და სხვა ვირუსებიც სახეზეა და მათი ერთმანეთზე თანდებით უკვე შეინიშნება ორმაგი ინფიცირება. ქვეყანა ამისთვისაც მზადაა. მნიშვნელოვანია, ჩვენ ჩვენს მოქალაქეებს მოვუწოდოთ, თუ რამდენად მნიშვნელოვანია ვაქცინაცია ამ პროცესში", - განაცხადა ტიკარაძემ. 

ჯანაცვის მინისტრმა, სეზონური გრიპის ვაქცინასთან დაკავშირებითაც ისაუბრა და აღნიშნა, რომ ოქტომბრის თვეში მოსახლეობას 200 000 დოზა, გრიპის ვაქცინა მიეწოდება. 

,,ჯანდაცვის სამინისტრო 200 000 დოზა სეზონურ ვაქცინას მიაწვდის ჩვენს მოქალაქეებს და რა თქმა უნდა, კერძო სექტორი, თავის მხრივ, ატარებს თვის წილ პასუხისმგებლობას ამ მიმართულებით. ოქტომბრის თვეში ჩვენს მოქალაქეებს ექნებათ ხელმისაწვდომობა სეზონური გრიპის ვაქცინაზე", - განაცხადა ტიკარაძემ.