სენსაციური აღმოჩენა - მკერდის კიბოს მეტასტაზები ღამე, ძილის დროს მრავლდება

როდესაც მკერდის მეტასტაზური კიბოს მქონე ადამიანები ღამით თვალებს ხუჭავენ, მათი კიბო იღვიძებს და იწყებს გავრცელებას. ეს არის მოულოდნელი დასკვნა, რომელიც Nature-ში ამ კვირაში გამოქვეყნდა.

კვლევა ​არღვევს ვარაუდს, რომ ძუძუს კიბოს მეტასტაზები ერთი და იმავე სიჩქარით ვრცელდება მთელი საათის განმავლობაში.

მკვლევრების თქმით, შედეგმა, შესაძლოა, შეცვალოს ის გზა, რომლითაც ექიმები იღებენ სისხლის ნიმუშებს კიბოს მქონე ადამიანებისგან მომავალში.

„ჩვენი აზრით, ეს დასკვნები შეიძლება მიუთითებდეს ჯანდაცვის პროფესიონალთა საჭიროებაზე, სისტემატიურად ჩაიწერონ ბიოფსიის ჩატარების დრო“, - ამბობს უფროსი ავტორი ნიკოლა აცეტო.

„ეს შეიძლება დაგვეხმაროს მონაცემების რეალურად შესადარებლად."

მკვლევრები პირველად ამ თემას მაშინ წააწყდნენ, როდესაც შენიშნეს აუხსნელი განსხვავება ცირკულირებული სიმსივნური უჯრედების რაოდენობაში დღის სხვადასხვა დროს გაანალიზებულ ნიმუშებში.

„ზოგიერთი ჩემი კოლეგა მუშაობს დილით ადრე ან გვიან საღამოს; ზოგჯერ ისინი ასევე აანალიზებენ სისხლს უჩვეულო საათებში", - ამბობს აცეტო.

იმის გამოსაკვლევად, თუ რა ხდებოდა, შვეიცარიელმა მკვლევრებმა შეისწავლეს ძუძუს კიბოს მქონე 30 ქალი (21 პაციენტი ადრეული სარძევე ჯირკვლის კიბოთი, რომლებსაც არ ჰქონდათ მეტასტაზები და ცხრა პაციენტი IV სტადიის მეტასტაზური დაავადების მქონე).

მათ აღმოაჩინეს "გასაოცარი და მოულოდნელი ნიმუში": მოცირკულირე სიმსივნური უჯრედების უმეტესობა (78,3 პროცენტი) აღმოაჩინეს ღამით აღებული სისხლის ნიმუშებში, ხოლო გაცილებით დაბალი რაოდენობა აღმოაჩინეს დღის ნიმუშებში.