ანასტასია შატალოვას საქმის ახალი დეტალები - საქალაქო სასამართლოს დღეს ზურაბ ბერიძისთვის შემაკავებელი ორდერის გამოწერაზე უნდა ემსჯელა

,,კომუნიკაცია გუშინ გვქონდა საღამოს" - ანასტასია შატალოვას ადვოკატის პაატა შავაძის განცხადებით, მასსა და მოკლულ შატალოვას შორის ბოლო კომუნიკაცია გუშინ 17 ოქტომბერს საღამოს შედგა. 

შავაძის განცხადებით, დღეს 18 ოქტომბერს თბილისის საქალაქო სასამართლოს, ბათუმის ყოფილი ვიცე მერისთვის ზურაბ ბერიძისთვის შემაკავებელი ორდერის გამოწერაზე უნდა ემსჯელა.

,,დღეს თბილისის საქალაქო სასამართლოს ადმინისტრაციულ საქმეთა კოლეგიაში სასამართლო პროცესის სხდომა უნდა გამართულიყო, მისი და ვაჟის სახელით დამცავი ორდერის გამოცემის მოთხოვნით. რატომღაც, მოხდა ისე, რომ გადაიდო სხდომა მოწინააღმდეგე მხარის ადვოკატის მოთხოვნით, ავადმყოფობის მოტივით. ისინი ერთი პერიოდი შერიგდნენ, თუმცა ეს შერიგება არ იყო რეალურად. ზაფხულში დამიკავშირდა თბილისიდან და მითხრა, რომ პაატა მოხდა ჩემზე და ბავშვზე ფიზიკური და ფსიქოლოგიური ძალადობა და მუქარა. შემდეგ ვერ მიაგნეს ამ ადამიანს, რატომღაც. მერე იმავე მოსამართლემ, რომელმაც დაკავების განჩინება გასცა, 50-ათასლარიანი გირაოთი გაათავისუფლა. გამოძიების ფარგლებში შემაკავებელი 30 დღიანი ორდერიც კი გაიცა. გავიდა ეს ვადა და შატალოვამ მე, როგორც მის ადვოკატს დამავალა, რომ მაქსიმალური, 9-თვიანი ვადით გამოცემულიყო ორდერი“, – აცხადებს შავაძე.

შეგახსენებთ, ანასტასია შატალოვა საკუთარი სახლის სადარბაზოსთან წუხელ ცეცხლსასროლი იარაღით სასტიკად მოკლეს.