პროკურატურის საგანგებო განცხადება ოთარ ფარცხალაძეზე

ოთარ ფარცხალაძე

ოთარ ფარცხალაძესთან დაკავშირებით, საქართველოს პროკურატურა განცხადებას ავრცელებს და ამტკიცებს, რომ თანამდებობიდან წასვლის შემდეგ, ფარცხალაძეს უწყებასთან შეხება არ ჰქონია. შოთაძის უწყება "ზოგიერთი პოლიტიკური გაერთიანების" წარმომადგენლების მხრიდან, "მიზანმიმართულ დეზინფორმაციულ კამპანიაზე" საუბრობს.

 

"მაღალი საჯარო ინტერესის გათვალისწინებით, გვსურს გამოვეხმაუროთ ზოგიერთი პოლიტიკური გაერთიანების წარმომადგენლების მხრიდან, საქართველოს პროკურატურის მიმართ დეზინფორმაციის განახლებული კამპანიის წამოწყებას, რომლის მიზანიც არის ერთ-ერთი მნიშვნელოვანი ინსტიტუციის მიზანმიმართული დისკრედიტაციის მცდელობა, რათა დეზინფორმაციის გავრცელებით საზოგადოება შეიყვანონ შეცდომაში და ხელი შეუშალონ ამ უწყების ნორმალურ საქმიანობას.

ბოლო დღეებში, აღნიშნული დეზინფორმაციის კამპანიის ფარგლებში, მრავლად მოვისმინეთ სრულიად უსაფუძვლო და ცილისმწამებლური განცხადებები ოთარ ფარცხალაძის ვითომდა კავშირებზე საქართველოს პროკურატურასთან. ეს არ არის პირველი შემთხვევა ბოლო წლების განმავლობაში, როდესაც მსგავს ტყუილებს ვისმენთ გარკვეული პოლიტიკოსების მხრიდან ჩვენი უწყების მიმართ და მიუხედავად იმისა, რომ ჩვენი მხრიდან მათ მოეთხოვათ შესაბამისი მტკიცებულებების გასაჯაროება ანდა მსგავსი ცილისმწამებლური განცხადებების შეწყვეტა, მათ მიერ არასდროს არ წარმოდგენილა არცერთი მტკიცებულება მათი განცხადებების დასასაბუთებლად. მიუხედავად ამისა, ისინი კვლავ აგრძელებენ პერმანენტული ტყუილებით პროკურატურის დისკრედიტაციის მცდელობებს.

პროკურატურის და მისი ხელმძღვანელი პირების, თანამშრომლების წინააღმდეგ დეზინფორმაციის  გავრცელებას ძირითადად ის კონკრეტული პოლიტიკური ძალა ცდილობს, რომლის წარმომადგენლების მიმართ წლებია სამართალწარმოება არაერთ სისხლის სამართლის საქმეზე მიმდინარეობს. ჩვენ კარგად გვესმის, რომ პროპაგანდისტული დეზინფორმაციის მიზანი უწყების საქმიანობისთვის ხელის შეშლაა, რათა წლების განმავლობაში ჩადენილ დანაშაულზე პასუხი არავის მოეთხოვოს და პასუხისგებას გაექცნენ, რაც რა თქმა უნდა, არავის გამოუვა.

რაც შეეხება ოთარ ფარცხალაძეს, მან საქართველოს მთავარი პროკურორის თანამდებობა დატოვა 2013 წელს და მას შემდეგ, არანაირი შემხებლობა საქართველოს პროკურატურის საქმიანობასთან არ ჰქონია და არც შეიძლება, რომ ჰქონოდა. ასევე არანაირი შემხებლობა არ ჰქონია მიხეილ სააკაშვილის ბრალდების სისხლის სამართლის საქმეებთან. ამ ცილისმწამებლური კამპანიის მთავარი ხაზი სწორედ ოთარ ფარცხალაძის ამ საქმესთან დაკავშირებაა, რაც მარტივად გარკვევადია.

როგორც აღვნიშნეთ, ოთარ ფარცხალაძემ თანამდებობა დატოვა 2013 წელს, ხოლო პირველად სისხლისსამართლებრივი დევნა მიხეილ სააკაშვილის მიმართ დაიწყო 2014 წლის 28 ივლისს, მხოლოდ ამ თარიღებითაც კი ნათლად ჩანს მსგავსი სპეკულაციების აშკარა სიყალბე. რაც შეეხება კონკრეტულად მიხეილ სააკაშვილის სისხლის სამართლის საქმეებს, საზოგადოებას შევახსენებთ, რომ სპეციალურად ამ საქმეებისთვის საქართველოს პროკურატურამ შექმნა საერთაშორისო ექსპერტთა საბჭო, რომელმაც შეისწავლა მიხეილ სააკაშვილის მიმართ მიმდინარე გამოძიებები. ხაზი უნდა გაესვას, რომ არსებულ სისხლის სამართლის საქმეებში მტკიცებულებითი სტანდარტი შეაფასეს სწორედ ხსენებულმა უმაღლესი კვალიფიკაციის მქონე საერთაშორისო ექსპერტებმა - ამერიკის შეერთებული შტატების იუსტიციის დეპარტამენტის ორგანიზებული დანაშაულისა და რეკეტის განყოფილების ყოფილმა უფროსმა პოლ კოფიმ, ისრაელის ყოფილმა სახელმწიფო პროკურორმა მოშე ლადორმა და იუგოსლავიის საერთაშორისო სისხლის სამართლის ტრიბუნალის მთავარი პროკურორის მოადგილემ, დიდი ბრიტანეთის დედოფლის იურისტმა სერ ჯეფრი ნაისმა. საერთაშორისო ექსპერტების შეფასებით, სისხლის სამართლის საქმეებში არსებული მტკიცებულებები ქმნიდა საკმარის სტანდარტს მიხეილ სააკაშვილის მიმართ სისხლისსამართლებრივი დევნის დასაწყებად.

გვინდა საზოგადოება დავარწმუნოთ, ეს მსგავსი მცდელობები ჩვენს საქმიანობაზე ვერ იმოქმედებს. საქართველოს პროკურატურა გააგრძელებს კომპეტენციის ფარგლებში, კანონმდებლობის შესაბამისად, საკუთარი უფლებამოსილების განხორციელებას და პროკურატურის საქმიანობა, დამოუკიდებლობა და ხელშეუხებლობა სრულად იქნება დაცული საქართველოს და საერთაშორისო კანონმდებლობით დადგენილი სტანდარტების ფარგლებში." აცხადებს პრკურატურა.
რაც შეეხება აშშ-ის მხრიდან მათი ყოფილი ხელმძღვანელის დასანქცირებას, პროკურატურა ამასთან დაკავშირებით აღნიშნავს, რომ საქმეზე გამოძიება სუს-ში მიმდინარეობს და უცხოეთის შესაბამისი კომპეტენტური ორგანოებიდან გამოთხოვილ მტკიცებულებებს, მიეცემა შესაბამისი სამართლებრივი შეფასება და მოხდება სამართლებრივი რეაგირება:

"რაც შეეხება ამერიკის შეერთებული შტატების მთავრობის მიერ ოთარ ფარცხალაძის სანქცირების და ამ საკითხთან საჯაროდ გავრცელებული ინფორმაციის ირგვლივ მიმდინარე სამართლებრივ რეაგირებას, ოთარ ფარცხალაძის საქმეზე საგამოძიებო ქვემდებარეობის შესაბამისად, გამოძიება მიმდინარეობს სახელმწიფო უსაფრთხოების სამსახურში, მათ მიერ მოპოვებულ, მათ შორის უცხოეთის შესაბამისი კომპეტენტური ორგანოებიდან გამოთხოვილ მტკიცებულებებს, მიეცემა შესაბამისი სამართლებრივი შეფასება და მასზე მოხდება ეფექტიანი სამართლებრივი რეაგირება, რაზეც მაღალი საჯარო ინტერესის გათვალისწინებით ინფორმაცია მიეწოდება საზოგადოებას.

დეზინფორმაციის წინააღმდეგ ბრძოლა საქართველოს პროკურატურის ერთ-ერთ პრიორიტეტს წარმოადგენს, მომავალშიც ჩვენ შევეცდებით საზოგადოების პროაქტიული ინფორმირებით, დეზინფორმაციის მავნებლური შედეგების მინიმუმამდე შემცირებას. საქართველოს პროკურატურა პასუხს გასცემს ყველა ამ ტიპის ყალბ ბრალდებას და დეზინფორმაციას, რათა საზოგადოებამ იცოდეს ობიექტური სიმართლე." ნათქვამია პროკურატურის განცხადებაში.

მასალის გამოყენების პირობები
სხვა სიახლეები
ხოშტარია ხარება
„ხარაზიშვილმა დაადასტურა, რომ სპეცრაზმი მოქალაქეებს სცემს; გამოიკითხოს და ჩატარდეს საგამოძიებო მოქმედებები“ - საია

ახალგაზრდა იურისტთა ასოციაცია გდდ-ის ხელმძღვანელის, "ხარებას" დღევანდელ კომენტარებსა და მუქარას ეხმაურება და სპეციალურ განცხადებას ავრცელებს, რომელშიც ნათქვამია, რომ ხარაზიშვილმა დღეს დაადასტურა, რომ...

პოლიტიკა 1716900461

ვიქტორ ჯაფარიძე
„სტალინს რომ აგინებთ, სტალინმა თქვა - შვილები მშობლებზე პასუხს არ აგებენ. რა დაიწყეთ ბავშვებით ვაჭრობა“ - ვიქტორ ჯაფარიძე

„ვინ ხართ? სტალინს რომ აგინებთ, სტალინმა თქვა თავის დროზე - შვილები მშობლებზე პასუხს არ აგებენ, იმაზე უარესები გამოდიხართ," - ამ სიტყვებით მიმართა პრეზიდენტის საპარლამენტო მდივანს საპარლამენტო უმრავლე...

პოლიტიკა 1716900257

ირაკლი ოქრუაშვილი
„დღეს საღამოს კრემლში “ჩვენს” სადღეგრძელოს დალევენ“ – ირაკლი ოქრუაშვილი

თავდაცვის ყოფილი მინისტრი, ირაკლი ოქრუაშვილი: „დღეს საღამოს კრემლში “ჩვენს” სადღეგრძელოს დალევენ: За возвращение блудного сына.“

სოცმედია 1716900149

დავით ზურაბიშვილი
„უნდა ახლა იმ კაცს ამხელა შარი?“ - ვისზე საუბრობს დავით ზურაბიშვილი

პოლიტოლოგი დავით ზურაბიშვილი სოცქსელში წერს: სასაცილოდ ნამდვილად არა გვაქვს საქმე მაგრამ ცოტა კი მეცინება იმაზე, რომ ახლა თუ ვინმეს არ უნდა პრეზიდენტის ვეტოს დაძლევა, პირველ რიგში საკონსტიტუციო სასამა...

სოცმედია 1716900041

კორკოტი პარლამენტთნა
"კორკოტი", სანთლები და ტკბილეული პარლამენტთან - საკურთხი "ქართული ოცნებისთვის"

"კორკოტი", სანთლები და ტკბილეული პარლამენტთან - აქტივისტებმა "ქართული ოცნებისთვის" საკანონმდებლო ორგანოსთან საკურთხი მიიტანეს. პარლამენტში ახლა რუსულ კანონთან დაკავშირებით პრეზიდენტის ვეტოს დაძლევისთვ...

პოლიტიკა 1716898470

ყოფილი მოსამართლე
„დამემუქრნენ, რომ თუ ივანიშვილისთვის სასურველ გადაწყვეტილებას არ მივიღებდი, ტვინს გამასხმევინებდნენ“ - ყოფილი მოსამართლე

ყოფილი მოსამართლე ბესარიონ ალავიძე სკანდალურ განცხადებას აკეთებს. როგორც მან "პირველებს" განუცხადა, იყო შემთხვევები, როცა მას სასამართლო კლანი კონკრეტული გადაწყვეტილებების გამო დაუპირისპირდა და დაემუქ...

პოლიტიკა 1716897589