ვარკეთილში, ორი ახალგაზრდა მოკლეს - რა გახდა კონფლიქტის მიზეზი და ვინ არიან მოკლული ბიჭები

ლენტიი

განსაკუთრებული სისასტიკით, მოკლულია ორი ახალგაზრდა კაცი - ვარკეთილში მეზობელმა კარის მეზობელსა და მის მეგობარს ჯერ თავში ჩაქუჩი ჩაარტყა, შემდეგ კი იარაღით მოკლა. ბრალდებული 44 წლის იური კალანდარიშვილია, რომელსაც ვერდიქტს ნაფიცი მსაჯულები გამოუტანენ. კალანდარიშვილი მკვლელობას აუცილებელი მოგერიებით ხსნის. ამბობს, რომ მეზობლები თავს დაესხნენ, თუმცა, პოლიციაში დარეკვის ნაცვლად, კარი ჩაქუჩით შეიარაღებულმა გაუღო.

"კურიერი P.S.-მა" ექსკლუზიურად მოიპოვა ვიდეო სათვალთვალო კამერის ჩანაწერი, რომელზეც მეზობლებს შორის დაპირისპირება და მკვლელობაა ასახული. კონფლიქტის მთავარი მიზეზიც სწორედ ვიდეოკამერაა, რომელიც, ბრალდებულმა საკუთარ კარზე დაამონტაჟა, თუმცა სათვალთვალო არეალში მხოლოდ მოკლულის საცხოვრებელი ბინის შესასვლელი ექცეოდა. დაპირისპირების ერთ-ერთი მიზეზიც, სავარაუდოდ, სწორედ სათვალთვალო კამერაა.

უმძიმეს დასასრულამდე, იყო განუყრელი მეგობრობის 10-ზე მეტი წელი - თითქმის არცერთი დღე ერთმანეთის გარეშე. ჰყავდათ საერთო სამეგობრო წრე. საბედისწერო დღესაც ერთად გართობა დაგეგმეს. მხატვარი ბაჩო ბაშარული ვარკეთილში ცხოვრობდა, ნიკო ასურეთიდან თბილისში ჩამოვიდა, ბაჩოს შეხვდა და, რესტორანში, მეგობრის დაბადების დღე აღნიშნეს. გვიან ღამით, ნასვამებმა, ბაჩოს სახლში დარჩენა გადაწყვიტეს.

"კურიერი P.S-ის" მიერ მოპოვებულ ვიდეოკადრებში უახლოესი მეგობრების სიცოცხლის ბოლო წუთებია ასახული.

დაახლოებით, ღამის პირველი საათი - ბაჩო ბაშარული და ნიკო არჩვაძე, ნასვამები, დერეფანში დგანან და ბინის კარის გაღებას ვერ ახერხებენ. ამ კადრებს იმ კარის მეზობლის სათვალთვალო კამერა იღებს, რომელიც ახლა ბრალდებულის სკამზე 2 მეგობრის მკვლელობის მუხლით ზის. ჩანაწერის მიხედვით, ბაჩო ბაშარული ფეხს იქნევს და მისი ფეხსაცმელი მისსავე კართან, კაბელებზე ეკიდება. ერთ მომენტში ბაჩო მეზობლის კამერას სანთებელას უჩვენებს.

რამდენიმე წამში, კარის მეზობელი იური კალანდარიშვილი მათთან გადის და, სავარაუდოდ, დაძაბული საუბარი იწყება. ჩანს, რომ ბაჩო ბაშარული მეზობელს კამერაზე მიუთითებს და, სავარაუდოდ, ანიშნებს, რომ თვალთვალი აღიზიანებს. სწორედ ამ დროს, იწყება ფიზიკური დაპირისპირება, და ბაჩოს თავში ქსოვილში გახვეული რეზინის ჩაქუჩი რამდენჯერმე ხვდება. ის მეზობლის მოგერიებას ცდილობს. ჩხუბით, იური კალანდარიშვილის სახლში შედიან. ნიკო არჩვაძე კონფლიქტში ერთვება. მეზობელი დერეფნისკენ უკვე ხელში იარაღით ბრუნდება. მას ნიკოსა და ბაჩოს ნივთები იმ ოთახში შეაქვს, სადაც უკვე ორი ადამიანი სისხლის გუბეში წევს. კარს კეტავს და კამერა ითიშება.

გაირკვა, რომ შემზარავი დანაშაული იური კალანდარიშვილმა იმ ოთახში ჩაიდინა, რომლის გვერდზეც მის მეუღლესა და მცირეწლოვან შვილს ეძინათ. გამოძიების ინფორმაციით, დაახლოებით 40 წუთში, მან 112-ში დარეკა და მკვლელობა აღიარა, თუმცა - აუცილებელი მოგერიების მოტივით.

ადგილზე მისულ პოლიციას იური კალანდარიშვილის სახლში კი საზარელი სურათი დახვდა. 44 წლის მამაკაცი დააკავეს.

როგორც სასამართლოში, ისე ჩვენებაში, ბრალდებული მეზობლის მხრიდან თავდასხმასა და აუცილებელ მოგერიებაზე საუბრობდა. მაშინ ბრალდებულის მიერ შექმნილი მთავარი მტკიცებულება - ვიდეოჩანაწერი ნანახი არავის ჰქონდა. აუცილებელი მოგერიების ვერსიაზე საუბრობს ბრალდებულის ადვოკატიც.

სხვა ვერსია აქვს გამოძიებას - პროკურორის მტკიცებით, დაახლოებით 10 ტყვია ბრალდებულმა ახალგაზრდებს დამიზნებით ესროლა.

ბაჩო ბაშარულის დედას მომხდარზე საუბარი უჭირს, თუმცა "კურიერი P.S.-ს" ინტერვიუზე დათანხმდა. შვილმკვდარი დედა ვერ ხსნის, რატომ გაიმეტა კარის მეზობელმა 2 ადამიანი სასტიკი მკვლელობისთვის. ირკვევა, რომ ერთადერთი უსიამოვნო საუბარი მეზობლებს შორის 4 წლის წინ შედგა.

მოკლულის ოჯახის მტკიცებით, ამ შემთხვევიდან მალევე, იური კალანდარიშვილმა, სახლის კარზე, კამერა ისე დააყენა, რომ თვალთვალის არეალში მხოლოდ ბაჩო ბაშარულის სახლი ექცეოდა. ჩანაწერებში ჩანს, რომ ბაჩოს კამერა აღიზიანებს და სახლში შესვლის, ან გამოსვლის დროს მას შეურაცხმყოფელ ჟესტს უჩვენებს. ოჯახის მტკიცებით, მიუხედავად ამისა, მხატვარს კამერის თაობაზე კარის მეზობელთან პრეტენზია პირადად არ დაუფიქსირებია.

"კურიერი P.S." ნიკო არჩვაძის ოჯახსაც შეხვდა - ასურეთში, იმ სახლში, საიდანაც მხიარული განწყობით წავიდა და უკან უცხო ადამიანის მიერ მოკლული მიასვენეს.

ახლა მოკლული მეგობრების ოჯახს სამართლიანობის იმედი აქვთ. სასამართლო იური კალანდარიშვილის საქმის განხილვას 29 ივლისს დაიწყებს. არ არის გამორიცხული, 2 ადამიანის განზრახ მკვლელობაში ბრალდებულმა ნაფიცი მსაჯულები აირჩიოს.

წარდგენილი მუხლით, 44 წლის იური კალანდარიშვილს 16-20 წლამდე, ან უვადო პატიმრობა ემუქრება.

მასალის გამოყენების პირობები
სხვა სიახლეები
ხუხაშვილი
„ორი რამ არის სრულიად ცხადი, რაც გუშინდელ “შაბაშში” კარგად ჩანდა“ - გია ხუხაშვილი

ანალიტიკოსი გია ხუხაშვილი სოცქსელში წერს: ორი რამ არის სრულიად ცხადი, რაც გუშინდელ “შაბაშში” კარგად ჩანდა.1. როგორც ხელისუფლება, ასევე ოპოზიცია აღიარებს, რომ 26 ოქტომბრის არჩევნები არის რეფერენდუმი.გა...

პოლიტიკა 1721189573

ქალთა ნაკრები
საქართველოს ქალთა საფეხბურთო ნაკრებმა ევროპის ჩემპიონატის საკვალიფიკაციო ეტაპის პლეი-ოფის საგზური მოიპოვა

საქართველოს ქალთა ეროვნული ნაკრები ევროპის ჩემპიონატის საკვალიფიკაციო ეტაპის პლეი-ოფში ითამაშებს. ჯგუფური ეტაპის დასკვნით შეხვედრაში, ირის ანტმანის გუნდმა ლიეტუვის ნაკრების სტუმრად, მინიმალური ანგარიშ...

სპორტი 1721188625

კოიძე
ვიდეო: „უაიმე, ჩვენი მადო რა დღეშია... ჩემს ცხოვრებაში რომ ამის მატლებიან ვიდეოებს აღარ ჩავრთავ, ეგ უკვე ცხადია“

ბლოგერი დომენიკ მანგოუაიმე ჩვენი მადო რა დღეშია თურმე    დიდი არაფერი მადონა რას ფიქრობს, მაგრამ ჩემს ცხოვრებაში რომ ამის მატლებიან ვიდეოებს აღარ ჩავრთავ, ეგ უკვე ცხადია.  

სოცმედია 1721188545

ზარქუა
„190 მეტრზე როგორ აიტანა თინეიჯერმა იარაღი და ისროლა 7-ჯერ? - ამ კითხვაზე პასუხს რომ გასცემს ბატონი მილერი, შემდეგ ჩვენც შევეცდებით, არგუმენტირებულად ვუპასუხოთ“ - ირაკლი ზარქუა

190 მეტრზე თინეიჯერმა როგორ აიტანა იარაღი და როგორ ისროლა 7-ჯერ, ამ კითხვაზე პასუხს რომ გასცემს ბატონი მილერი, შემდეგ უკვე ჩვენც შევეცდებით, რომ არგუმენტირებულად ვუპასუხოთ, - ამის შესახებ „ქართული ოცნ...

პოლიტიკა 1721187422

ხაზრაძე და ცოლი
„იმ უბაფთო, მაღალ გოგოს, ირინა ხიდეშელს და მე დღეს უკვე ხუთი შვილი გვყავს“ - მამუკა ხაზარაძის სიყვარულის ამბავი

მამუკა ხაზარაძე თავისი წიგნიდან ,,ფეისბუქზე” კიდევ ერთ ნაწყვეტს აქვეყნებს:ყველაზე მაღალი გოგო მეხუთე კლასში თანაკლასელ ბიჭებში ყველაზე დაბალი ვიყავი. დილაობით სკოლაში დილის გამამხნევებელი ვარჯიშები ტა...

სოცმედია 1721186996

ნანუკა ჟორჟოლიანი
,ოლიმპიელებმა რა დაგვიშავეს? რატომ ვქენით ეს“ – ნანუკა ჟორჟოლიანი

ოლიმპიელების ჩაცმულობას სოციალურ ქსელში გამოხმაურებები მოჰყვა. ჟურნალისტი ნანუკა ჟორჟოლიანი წერს: ,,ოლიმპიელებმა რა დაგვიშავეს 😔 რატომ ვქენით ეს:( ფეხბურთელების “შეფუთვაზე” ვინც იზრუნა მათთვის რომ მი...

სოცმედია 1721186765