უკრაინაში სახელმწიფო ღალატის ბრალდებით დაკავებულ სახალხო დეპუტატს წინასწარი პატიმრობა შეუფარდეს

უკრაინის სახალხო დეპუტატ ნესტორ შუფრიჩს, რომელიც სახელმწიფო ღალატის საქმეზე დააკავეს, კიევის პეჩერსკის რაიონულმა სასამართლომ აღკვეთის ღონისძიების სახით, ორთვიანი პატიმრობა, გირაოს გადახდის უფლების გარეშე შეუფარდა. ამის შესახებ უკრაინული მედია წერს.

15 სექტემბერს პრორუსული დეპუტატის სახლში ჩხრეკა მიმდინარეობდა. მოგვიანებით, SBU-მ გაავრცელა ინფორმაცია, რომ შუფრიჩი ღალატში იყო ეჭვმიტანილი. ისინი აცხადებდნენ, რომ სამართალდაცავებმა სახალხო დეპუტატის ანტიუკრაინული საქმიანობის შესახებ მტკიცებულებები შეაგროვეს. მას რუსეთის შეიარაღებული ძალების წმინდა გიორგის ლენტები, მედლები და ტუნიკები აღმოაჩნდა. ასევე ჩხრეკისას 2014 წლით დათარიღებული დოკუმენტი იპოვეს დონეცკის და ლუგანსკის რეგიონების ავტონომიის სქემით, რომელსაც ხელს ყოფილი სახალხო მოადგილე ვიქტორ მედვედჩუკი(მას ახლა ჩამოერთვა უკრაინის მოქალაქეობა) და თავად შუფრიჩი აწერენ.

SBU მტკიცებით, გამოძიების მასალები მიუთითებდა იმაზე, რომ შუფრიჩი მჭიდროდ თანამშრომლობდა და ასრულებდა ეროვნული უსაფრთხოებისა და თავდაცვის საბჭოს ყოფილი მდივნის, ვლადიმერ სივკოვიჩის დავალებებს. FSB-ის აგენტის, რომელიც 2014 წელს მოსკოვში გაიქცა. ის კოორდინაციას უწევდა რუსეთის აგენტურ ქსელს უკრაინაში.

გამომძიებლების თქმით, შუფრიჩის ერთ-ერთი მთავარი ამოცანა საინფორმაციო სფეროში დივერსიული მოქმედებების განხორციელება იყო.