პოლიტიკა • 1665069468
მიხეილ სააკაშვილის უკრაინელი ადვოკატი იმედოვნებს, რომ ქართული მხარე გაგებით მოეკიდება უკრაინული სასამართლოს გადაწყვეტილებას და მიხეილ სააკაშვილს კიევის სასამართლოს წინაშე გამოსვლის უფლებას მისცემს.
საუბარია ცოტა ხნის წინ მიღებულ გადაწყვეტილებაზე, რომლის მიხედვითაც, კიევის სასამართლომ საქართველოს მესამე პრეზიდენტის უკრაინაში დროებით გადაყვანის გადაწყვეტილება მიიღო.
უკრაინის იუსტიციის სამინისტრო აღნიშნულ გადაწყვეტილებას საქართველოს გადაუგზავნის, რის შემდეგაც მათი გადასაწყვეტია გადასცემენ თუ არა მოწმის სახით მიხეილ სააკაშვილს.
"დღის სტუმრის" ეთერში ჩართვისას უკრაინელი უფლებადამცველი ვადიმ ზავოროტინი განმარტავს, რომ გამოძიება მიმდინარეობს 2017 წლის ინციდენტზე, როდესაც პოროშენკოს ხელისუფლებამ მიხეილ სააკაშვილის ქვეყნიდან პოლონეთში გაძევების გადაწყვეტილება მიიღო. აღნიშნულ საქმეზე მიხეილ სააკაშვილი უკრაინულმა სასამართლომ დაზარალებულად ცნო.
"რამდენიმე თვის წინ მივმართე შუამდგომლობით სასამართლოს მიეღოთ ზომები, მივმართე შუამდგომლობით კიევის სამოქალაქო სასამართლოს და მიიღეს გადაწყვეტილება, რომ მიხეილ სააკაშვილი გარკვეული დროით გადმოეცეს უკრაინულ მხარეს, რათა სასამართლომ შეძლოს მისი დაკითხვა" - ამბობს უკრაინელი ადვოკატი.
მისივე ინფორმაციით, უკრაინაში საგამოძიებო პროცესები მიმდინარეობს მიხეილ სააკაშვილის მიმართ, საქართველოს ციხეში განხორციელებული არაადამიანური მოპყრობის ფაქტზეც, რადგან სააკაშვილი უკრაინის მოქალაქეა.
"დიდი იმედი მაქვს, რომ ქართული მხარე გადაწყვეტილებას გაგებით მოეკიდება, რადგან არსებობს გარკვეული პროცედურები, ეს არის დაცული საერთაშორისო კონვენციებით და არამხოლოდ ქართული და უკრაინული კანონმდებლობით. გვაქვს პროტოკოლი, რომელიც ქართულ კანონმდებლობაშიცაა გაწერილი. გამომდინარე პარტნიორული ურთიერთობებიდან, ვიმედოვნებ, რომ საქართველოს იუსტიციის სამინისტრო საკითხს გაგებით მოეკიდება და დაიწყება პროცესები და მიხეილ სააკაშვილი შეძლებს თავის დაცვას კიევის სასამართლოში" ამბობს ადვოკატი.
მისი თქმით, თუ ეს ასე არ მოხდება და ქართული მხარე უკრაინული სასამართლოს გადაწყვეტილებას არ აღასრულებს, ის სტრასბურგის ადამიანის უფლებათა დაცვის ევროპულ სასამართლოს მიმართავს.
კითხვაზე, რამდენად შესაძლებელია მესამე პრეზიდენტის ონლაინ რეჟიმში დაკითხვა, ადვოკატი პასუხობს:
"არ უშვებენ ადვოკატს, არ უშვებენ სახალხო დამცველს, როგორ შეიძლება ადამიანი ვიდეოკონფერენციის საშუალებით ნორმალურად დაიკითხოს? მას ხომ სჭირდება ადვოკატი თან? დაზარალებულს სრული უფლება აქვს, რომ კანონით გათვალისწინებული შესაძლებლობები ბოლომდე გამოიყენოს. მე ვერ ვხედავ ვერანაირ შეზღუდვას, არ მოხდეს მისი გადმოცემა გარკვეული ვადებით" - ამბობს ადვოკატი.
კიევის სასამართლოს გადაწყვეტილებით, უკრაინის იუსტიციის სამინისტრო ვალდებული იქნება, პატიმარი დააბრუნოს საქართველოში საგამოძიებო მოქმედებების დასრულებისთანავე.
"ევრო 2024-ის ბილეთების გაყიდვასთან დაკავშირებით: თავს არ შეგაწყენთ იმაზე ლაპარაკით, თუ რას ნიშნავს თითოეული გულშემატკივრისთვის ევროპის ჩემპიონატზე, საქართველოს თამაშზე დასწრება. ფეხბურთთან ჩემი დამოკ...
სოცმედია • 1711657860
"ეს უნამუსო და მატყუარა კაცმაცუნა რა დღეშია ნახეთ რა?! ვერავინ ამის მოსაწონი ვერ გამოდგა ბიძინას გარდა. იქნებ პრობლემა შენშია, პაპუაშვილო?! არასდროს გიფიქრია ამაზე?" წერს ბაია პატარაია შალვა პაპუაშვილ...
სოცმედია • 1711657080
ვერძი ეცადეთ, ამ დღეს თქვენი მდიდარი ფანტაზია და შემოქმედებითი უნარები მაქსიმალურად გამოავლინოთ. ენდეთ საკუთარ ინტუიციას და სარისკო ნაბიჯების გადადგმის ნუ შეგეშინდებათ. ცვლილებებს და სიახლეებს რაც უფრ...
ეს საინტერესოა • 1711653738
"ფეხბურთი არის სპორტის სახეობებს შორის ალბათ, ყველაზე არაელიტარული, შესაბამისად - ყველაზე ეგალიტარული სპორტი. ბრაზილია ამის ყველაზე ნათელი მაგალითია. ფაველებში, ძელების ნაცვლად კონსერვის ქილებს ალაგებ...
სოცმედია • 1711653597
"ბოლო დღეებია მეკითხებიან სტრასბურგის სასამართლოს გადაწყვეტილებაზე ჩემს საქმესთან დაკავშირებით. ყველას ცალცალკე რომ არ ვუპასუხო, აქ დავწერ: ჩემს (გაოგნებულ) ამერიკელ და ბრიტანელ იურისტებთან კონსულტაცი...
სოცმედია • 1711653283
დაბა ბაკურიანში, ზვავში მოყოლილი ადამიანის სამძებრო სამაშველო ოპერაციები, ზვავსაშიშროების გამო დროებით შეწყდა. ამის შესახებ საგანგებო სიტუაციების მართვის სამსახურში გვითხრეს. მათივე ცნობით, სამუშაოები...
საზოგადოება • 1711645534
ეს საინტერესოა • 1711653738
29 მარტის ასტროლოგიური პროგნოზი
ეს საინტერესოა • 1711567860
28 მარტის ასტროლოგიური პროგნოზი