ლავროვის ულტიმატუმი ჟენევის მოლაპარაკებებზე - რუსეთი პოზიციებს არ თმობს

ჟენევის მოლაპარაკებებზე, სადაც რუსეთის საგარეო საქმეთა მინისტრი სერგეი ლავროვი აშშ-ის სახელმწიფო მდივანს ენტონი ბლინკენს ხვდება, უკრაინის გარშემო არსებული სიტუაცია განიხილება.

შეხვედრაზე ლავროვმა ულტიმატუმი წამოაყენა, რომლის მიხედვითაც რუსეთს სჭირდება გარანტიები, რომ ნატო არ გაფართოვდება და 2008 წლის ბუქარესტის სამიტის გადაწყვეტილება, უკრაინისა და საქართველოს ალიანსში გაწევრიანებასთან დაკავშირებით, გაუქმდება:

"თქვენ ევროპული ტურნეს დროს განაცხადეთ, რომ არ ელოდებით გარღვევას ამ შეხვედრისგან. არც ჩვენ ველოდებით გარღვევებს ამ შეხვედრისგან, ჩვენ ველოდებით პასუხებს ჩვენს წინადადებებზე,“- მიმართა ლავროვმა ბლინკენს.

ბლინკენმა რუსეთის საგარეო საქმეთა მინისტრს საპასუხოდ აუხსნა, რომ შეხვედრის მიზანი დაძაბულობის დეესკალაციაა, თუმცა, იმ შემთხვევაში თუ რუსეთი აგრესიის გზას აირჩევს, ამერიკა შესაბამისად უპასუხებს:

"შეხვედრის მიზანია მოხდეს დაძაბულობის დეესკალაცია და თავიდან იქნას აცილებული რუსეთის მხრიდან დამატებითი აგრესია უკრაინის წინააღმდეგ. მე აქ მოსვლამდე კონსულტაციები გავიარე მოკავშირეებთან და პარტნიორებთან, მათ შორის უკრაინასთან, ჩვენ ყველანი ერთგულები ვრჩებით დიპლომატიისა და დიალოგის, თუმცა ჩვენ ასევე ერთსულოვანნი ვართ იმაში, თუ რუსეთი აგრესიის გზას აირჩევს, ამას სწრაფად და მტკიცედ ვუპასუხებთ" - უპასუხა ბლინკენმა.