"რასაც ამბობს მელია მუდამ ასრულებს მას"- ზურა (გირჩი) ჯაფარიძე

,,შეთანხმება სრულდება, როგორც იყო შეთანხმებული ამ პოლიტიკურ მოთამაშეებს შორის" - პარტია ,,გირჩი მეტი თავისუფლების" ლიდერის ზურა ჯაფარიძის განცხადებით, რომელიც მან ,, ტვ პირველის" ეთერში გააკეთა, ,,ნაციონალური მოძრაობის" ლიდერი ნიკა მელია არის სანდო პარტნიორი, რომელიც მიცემულ სიტყვას ყოველთვის ასრულებს. 

,,ეს არის შეთანხმებაზე დაფუძნებული კოალიცია. ზოგადად ნამდვილი რეალური კოალიციები არსებობს მაშინ, როდესაც პარტიების უკან დგას კონკრეტული ხალხი, მიუხედავად იმისა, რომ ,,ნაციონალურ მოძრაობას" ჰყავს უფრო მეტი ამომრჩეველი და ის არის დომინანტი პარტია, მის გარდა მაინც არიან სხვა პარტიები და ის ადამიანები, ვინც ამ სხვა პარტიებს უჭერს მხარს, მათ შორის ჩვენ. მე მელიასთან არ მქონია რეგულარული კონტაქტი, რაც მქონია ბოლო თვეების განმავლობაში, მას აქვს გააზრებული, რომ ერთი ადამიანის ხელში არსებული ძალაუფლება საბოლოო ჯამში იწვევს გარკვეულ პრობლემებს. მე გამიჭირდება დეტალებზე საუბარი თუ რა ხდება პარტიის შიგნით, მაგრამ მე შემიძლია თამამად ვთქვა, რომ ის რასაც ამბობდა მუდამ ასრულებდა, იყო შემთხვევები როდესაც ნაციონალური მოძრაობა აკეთებდა რაღაც თავისას, მაგრამ ეს არ იყო მელიას პასუხისმგებლობაში", - განაცხადა ჯაფარიძემ. 

მისივე თქმით, ის რომ თავის პარტიამ უფრო დაბალი შედეგი აჩვენა 2021 წლის ადგილობრივი თვითმმართველობის არჩევნებზე, ეს სხვა და სხვა ფაქტორებით იყო განპირობებული. 

,,ჩემი პარტიის შემთხვევაში ბევრი ფაქტორი იყო იმის, რაც ვაჩვენეთ ჩვენ 2021 წელს, დღემდე მიგზავნიან ადამიანები ბიულეტენებს სადაც 36 აქვთ შემოხაზული და აწერია მიდი ჯაფარ მიაწექი, მათ დღემდე ჰგონიათ, რომ მე მომცეს ხმა და ზოგადად ჩვენ არ გვაქვს კარგად აწყობილი ყველა სისტემა, ასევე იყო გახარიას და სააკაშვილის ფაქტორი, რომლებმაც რაღაც წაგვართვეს ჩვენ. ის მომენტიც არის, რომ რაც გვქონდა მაშინ ეფექტი დღეს არ გვაქვს იგივე ეფექტი. მე მოლოდინი მქონდა, რომ ჩვენს შემთხვევაში პოლარიზაცია უფრო ნაკლებ ეფექტს იქონიებდა, და  ჩვენს ჯგუფებიდან კი მიშას ჩამოსვლის შემდეგ ადამიანები რომლებიც იყვნენ ჩვენი მხარდამჭერები, მაინც გადაიხარენ მიხეილ სააკაშვილისკენ. ზოგი კი გადაიხარა ოცნებისკენ იმიტომ, რომ მათ არ მოსწონთ სააკაშვილი და ისევ ოცნებაში ეგონათ მისი შეჩერების შანსები",- განაცხადა ჯაფარიძემ.