"ყველას ვამხელთ, ვინც ტერორში იქნება ჩართული" - შალვა პაპუაშვილი ბერძენიშვილზე თავდასხმას არ გმობს

პოლიტიკა 1718107236

პაპუაშვილი აქუბარდია

 პარლამენტის თავმჯდომარეს, შალვა პაპუაშვილს არ დაუგმია აქტივისტ ზუკა ბერძენიშვილზე თავდასხმა, რომელიც კლინიკაშია გადაყვანილი. ბერძენიშვილს სახლთან თავს რამდენიმე ადამიანი დაესხა.

ბერძენიშვილი, მისი მეგობრები და ოპოზიცია მომხდარს აკავშირებს თავდასხმამდე ცოტა ხნით ადრე პაპუაშვილის მიერ სოციალურ ქსელში გამოქვეყნებულ პოსტთან, სადაც საუბარი რამდენიმე რუსული კანონის მოწინააღმდეგე მოქალაქეზე იყო.

 

პარლამენტის თავმჯდომარეს დეპუტატმა თეონა აქუბარდიამ ნაცემი ბერძენიშვილის ფოტო აჩვენა და უთხრა, რომ მას ახალგაზრდების სისხლში აქვს ხელი გათხვრილი:

"ტერორი, რომელიც თქვენ მოაწყვეთ, აუცილებლად იქნება ამაზე შესაბამისი პასუხი გაცემული, დარწმუნებული ვარ, რომ ეს ოქტომბრის არჩევნების შემდგომ მოხდება, უბრალოდ ახალგაზრდა კაცმა ამ სინდისით უნდა იაროთ, რომ ახალგაზრდების სისხლში თქვენ პირადად გაქვთ ხელი გათხვრილი, იმიტომ, რომ თქვენი მოწოდების შემდგომ, ერთ საათში, თქვენივე ზონდერები დაესხნენ ამ ადამიანს თავს".
პაპუაშვილმა აღნიშნულს ტყუილი უწოდა და კიდევ ერთხელ გაიმეორა იგივე ნარატივი, რაც დილით პოსტად დადო. მისი მტკიცებით, უცხოური დაფინანსებით მოქმედი ორგანიზაციები ტერორის, ზიზღის ენისა და შეურაცხყოფის ორგანიზატორები არიან.

 

"სამარცხვინო ტყუილები, რომელიც თქვენგან ისმოდა, რა მოწოდებაზე, არც გრცხვენიათ და დიახ, როდესაც ტერორით დაკავებულები არიან ორგანიზაციები და კონკრეტულად ეს ადამიანი, ორგანიზაცია "სირცხვილია", ჯემნიუსი, თქვენ კოლეგებს რომ კეფაში ტყვიით ემუქრებოდნენ და თქვენ რომ ტაშს უკრავდით ამ ადამიანებს, აი ამას დაუფიქრდით თუ შეიძლება. კიდევ ერთხელ გავიმეორებ და სწორედ ამას ეხებოდა მათ შორის ეს საკითხი და რა თქმა უნდა, ყველა ვინც ტერორში იქნება ჩართული, ყველას ვამხელთ, თავისთავად, განსაკუთრებით იმ მხრივ, როცა ორგანიზაციები რომლებიც დაფინანსებას იღებენ ევროკავშირის ბიუჯეტიდან, ხალხი, რომელიც ხელფასს იღებს ევროკავშირის ბიუჯეტიდან, ჯემნიუსის ჟურნალისტი რომელიც დეპუტატებს კეფაში ტყვიით ემუქრებოდა საჯაროდ, სირცხვილიას ეს ორი თანამშრომელი, რომლებიც ურეკავდნენ პარლამენტის წევრებს, ემუქრებოდნენ და შეურაცხყოფას აყენებდნენ მათ, გრასის თუ ფაქტჩეკის თანამშრომელი, რომელიც თავს დაესხა პარლამენტის წევრს და შეურაცხყოფას აყენებდა მას. რამდენჯერმე, უკვე რამდენი ხანია ველი, რომ გაემიჯნება ამას ევროკავშირის შესაბამისი ფონდი იქნება თუ რომელიმე ქვეყანა, რომელიც ამ ფონში ფულს რიცხავს, თუ ევროკავშირის კომისია თავად, ვინც თავად აფინანსებს ამ ფონდს, ვერც ერთი განცხადება ვერ ვნახე ამ ძალადობისგან, ტერორისგან გამიჯვნისა", - თქვა პაპუაშვილმა. 

მასალის გამოყენების პირობები
სხვა სიახლეები
სალომე ზურაბიშვილი
"გამარჯვება ბიჭებო" - პრეზიდენტი ეროვნულ ნაკრებს

"გამარჯვება ბიჭებო" - ამ სიტყვებით ამხნევებს დორტმუნდში ჩასული პრეზიდენტი სალომე ზურაბიშვილი ეროვნული ნაკრების ფეხბურთელებს.   დორტმუნდის სტადიონზე თბილისის დროით 20:00 საათზე საქართველო:თურქეთის თამა...

საზოგადოება 1718722917

აშშ ელჩი
„რატომ უნდა გააღრმაო ეკონომიკური კავშირი პარტიასთან, ვინც აფინანსებს ოკუპანტს?“ - აშშ-ის ელჩი ჩინეთზე

რაც შეეხება ანაკლიას, CCCC კომპანიის უმეტესი ნაწილის მფლობელი, რომელთანაც საქართველოს მთავრობამ კონტრაქტი დადო, ჩინეთის კომუნისტური პარტიაა და ის ცნობილია, რომ დაკავშირებულია ჩინეთის არმიასთან. ჩინეთი...

პოლიტიკა 1718722846

საქართველოში აშშ-ის ახალი ელჩი რობინ დანიგანი
„რთულია ძლიერი პარტნიორობის გაგრძელება, თუ ხელისუფლება მტრად განგვიხილავს“ - დანიგანი

უკანასკნელი დღეების განმავლობაში საქართველოს ხელისუფლების წარმომადგენლები და მათ შორის პრემიერმინისტრი აცხადებენ, რომ იმედი აქვთ ჩვენი ურთიერთობის ძველ რელსებზე დაბრუნების. მაგრამ ჩვენ ასევე ძალიან მკ...

პოლიტიკა 1718722744

შოთაძე
"კანდიდატი არსებობს" - ვინ შეცვლის ირაკლი შოთაძეს

ვინ აღმოჩნდება ირაკლი შოთაძის ადგილმონაცვლე? - მთავარი საგამოძიებო უწყება ქვეყნის პირველი გამომძიებლის გარეშე მას შემდეგ დარჩა, რაც შოთაძემ თანამდებობა მოულოდნელად დატოვა.   "პირველები" შეეცადა, გაერკ...

პოლიტიკა 1718719430

ჩერგოლეიშვილი
„ასეთ ოლქში შევედით პატრიარქის, ზვიადის და მიშას მტრებად შერაცხული „ელჭიპიტი იეღოვლები“ ბიძინასთან საჭიდაოდ“ – რას იხსენებს თამარ ჩერგოლეიშვილი

„ევროპული საქართველოს“ წევრი, თამარ ჩერგოლეიშვილი სოციალურ ქსელში წერს: „გრძელი პოსტია, მაგრამ ძალიან მინდოდა დამეწერა.გუშინ ერთ გონიერ ადამიანს შევხვდი და მასთან საუბრითაა ინსპირირებული. (ამის მერე ფ...

სოცმედია 1718719090

თემირლან
"ხელახალი გამოძიების ჩატარება ვერ იქნება გონივრული" - სპეციალური საგამოძიებო სამსახური მაჩალიკაშვილის საქმეზე

 სპეციალური საგამოძიებო სამსახური ეხმაურება 2024 წლის მარტში ევროპის მინისტრთა კომიტეტის მიერ გაცემულ რეკომენდაციას "მაჩალიკაშვილი და სხვები საქართველოს წინააღმდეგ" საქმესთან დაკავშირებით. უწყება ამბო...

სამართალი 1718718939