"საქართველოს ეკლესიისა და კონსტანტინოპოლის საპატრიარქოებს შორის ურთიერთობის საზიანოდ, მორიგი ავანტიურა იგეგმება" - მამა ანდრეა ჯაღმაიძე

საქართველოს საპატრიარქოს პრესსამსახურის ხელმძღვანელი, მამა ანდრეა ჯაღმაიძე, სოციალურ ქსელში პოსტს აქვეყნებს, რომლის მიხედვითაც ვიგებთ, რომ სინოდის ერთ-ერთი წევრის დავალებით, ქართველი თეოლოგები გოჩა ბარნოვი და თამარ მესხი სტამბოლში მიემგზავრებიან, რათა საქართველოს ეკლესიასა და კონსტანტინოპოლის ეკლესიას შორის, სიტუაცია დაძაბონ. 

მისივე თქმით, თეოლოგები მათ ,,ნაციონალური მოძრაობის" ხელისუფლებაში დაბრუნების შემთხვევაში, უკრაინის ეკლესიის ავტოკეფალიის აღიარებაში დარწმუნებას შეეცდებიან. 

„ჩემი ინფორმაციით, (წყაროს არ დავასახელებ) საქართველოს ეკლესიისა და კონსტანტინოპოლის საპატრიარქოებს შორის ურთიერთობის საზიანოდ, მორიგი ავანტიურა იგეგმება გოჩა ბარნოვისგან.

ერთ-ერთი საქართველოს ეკლესიის სინოდის წევრის (სახელს არ დავასახელებ, ჯერჯერობით) დაფინანსებით, ხვალ 19 ოქტომბერს გოჩა ბარნოვი და თამარ მესხი მიემგზავრებიან სტამბულში მის ყოვლადუწმინდესობა, კონსტანტინოპოლის პატრიარქ ბართლომეოს პირველთანთან .

შეხვედრაზე გ.ბარნოვი ეტყვის, რომ პარტია “ერთიანი ნაციონალური მოძრაობის“ და სააკაშვილის ხელისუფლებაში მოსვლის შემთხვევაში, საქართველოს ეკლესია აღიარებს უკრაინის ახლადშექმნილი ეკლესიის ავტოკეფალიას. ამასთან, "თეოლოგი" გეგმავს მსოფლიო პატრიარქს სთხოვოს ადგილობრივი თვითმმართველობის არჩევნების მეორე ტურში პარტია “ერთიანი ნაციონალური მოძრაობის“ და მ.სააკაშვილის მხარდასაჭერი განცხადების საჯაროდ დაფიქსირება”,- წერს ჯაღმაიძე.