"ზურაბ ბერიძე დამემუქრა ქილერს დავიქირავებ და მოვაკვლევინებ შენ თავსო" – ანასტასია შატალოვას ჩვენება

ანასტასია შატალოვას საქმე - თბილისში მოკლული ქალის  უფლებადამცველი საქმის ახალ დეტალებზე საუბრობს.

პაატა შავაძემ მედიასთან შატალოვას მიერ ივნისში მიცემული ჩვენება გაასაჯაროვა, სადაც ის ბათუმის ყოფილი ვიცე მერის მხრიდან ლიკვიდაციით მუქარაზე საუბრობს.

2021 წლის  ივნისის თვეში მიცემულ ჩვენებაში შატალოვა  ბათუმის ყოფილი ვიცე მერის, ზურაბ ბერიძის მხრიდან ლიკვიდაციით მუქარაზე საუბრობს.

"დამემუქრა, ავტოსკოლისთვის ფულს არ მოგცემ, მაგ ფულით ქილერს დავიქირავებ და მოვაკვლევინებ შენ თავსო... ზურაბ ბერიძე ოთახში შემომყვა, დამიწყო დედის გინება და ლანძღვა, "შე მეძავო და ნარკომანოო!" დამემუქრა, მოგკლავ, კისერს მოგჭრი და ფანჯრიდან გადავაგდებო. შენს გვამს არხში ნაახვენო", - ვკითხულობთ შატალოვას  ჩვენებაში.

მოკლული ქალის ადვოკატის პაატა შავაძის თქმით, ამას შესაბამისი სამსახურები მუშაობენ შატალოვას მცირეწლოცან შვილზე მეურვეუბის განკარგვის საკითხზე, უფლებადამცველი მოუწოდებს შესაბამის სამსახურებს რომ ბავშვი მამას მეურვეობაში არ გადასცენ ვიდრე მომხდარზე გამოძიება არ დასრულდება.

შეგახსენებთ, რომ 27 წლის ანასტასია შატალოვა 18 ოქტომბერს, გვიან ღამით თბილისში მოკლეს. დამნაშავემ მისი მისამართით 7-ჯერ გაისროლა.

საქმეზე დაკავებულია 3 პირი, მათ ბრალს დღეს წარუდგენენ. გავრცელებული ინფორმაციით, ერთ-ერთმა დაკავებულმა, მისი აყვანის ღონისძიებაზე სამართალდამცველებს წინააღმდეგობა გაუწია და ხელყუმბარის გამოყენება სცადა, თუმცა პოლიციამ მისი დროული დაკავება შეძლო. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.