„უცებ გავხდი ოლიგარქის სიძე“ - ავთანდილ ცქვიტინიძის სიყვარულის ისტორია

დიზაინერი ავთანდილ ცქვიტინიძე ცხოვრების მთავარ სიყვარულზე საუბრისას ამბობს, რომ ბავშვობიდან სწორედ ისეთ ქალს ხატავდა, როგორიც მისი მეუღლე, ხათუნა თოთლაძეა.

ხათუნა თოთლაძე ბადრი პატარკაციშვილის დის შვილია, სწორედ, ამ ნათესაობის გავლენაზე საუბრით დაიწყო ავთანდილმა ქორწინებაზე საუბარი გადაცემაში “სხვა კითხვები”.

 
“მეორეჯერ რადიკალურად შეიცვალა ჩემი ცხოვრება, როცა ხათუნა მოვიყვანე ცოლად, ის საყვარელი, ხალხის წინ გაზრდილი ბიჭი, შრომისმოყვარე, ძლივს მიღებული საზოგადოებისგან, აღიარებული, პრესტიჟული, ის ტოპ ადამიანები, რომელთა ჩამონათვალში მე უკვე შესული ვიყავი, რადიკალურად შეიცვალა ყველაფერი. იმ მოცემულობით ავთო, რომელსაც აღიარებდნენ, ძალიან უყვარდათ, თავისი შრომით და ნიჭით მიაღწია ყველაფერს, უცებ, გახდა ოლიგარქის სიძე.

ხომ არის რაღაცებს შენ იწვევ შენს ცხოვრებაში შეუგნებლად, ბავშობიდან ვხატავდი მერხებზე, ქალებს, ფიგურებს, საკონტოლოს რვეულები სულ სავსე მქონდა. როცა დავიწყე ადამიანების ხატვა, რაც ჩემი თავი მახსოვს, სხვათაშორის დღემდე, როცა ფერწერას დავუბრუნდი, ზუსტად იმ გოგოს ვხატავდი, რომელიც შემოვიდა ერთ მშვენიერ დღეს ჩემთან სახელოსნოში და დავინახე ის ადამიანი, ვისაც მთელი ცხოვრება ვხატავდი. საოცარი გარეგნობა აქვს ხათუნას, ძალიან ბევრი ხუჭუჭა თმით და ერთი-ერთში ანალოგი მყავს შვილი. მეორე-მესამე ჩაზომებაზე ვიცოდი უკვე ვინ იყო, მაგრამ ეს მოხდა პირველივე შეხვედრაზე და ხათუნა დავიბარე ძალიან ბევრჯერ ე.წ ჩაზომებაზე”, – ამბობს ცქვიტინიძე.