ვიდეო: ზურა მახარაძის სკანდალური აღიარება - “ხელში ჩაუვარდათ ჩემი გოგოსთან მიმოწერა, ინტიმური ურთიერთობა, იყო შანტაჟი”
საზოგადოება • 1671204264 9760

“ალტ–ინფოს” ყოფილი ლიდერი, ზურაბ მახარაძე, რომელიც პარტიის თავმჯდომარეც იყო, თუმცა, ბოლო პერიოდია, აღარ ჩანს და ერთ–ერთი ბოლოს ჩართვისას, განაცხადა რომ გარკვეული პერიოდით თბილისს ტოვებდა და “ადგილიდან” იმუშავებდა, “ალტ–ინფოსთან” ჰყვება:
“კაი ხანია არ მქონია საუბრის საშუალება, ვეცდები მაქსიმალურად მოკლედ გასაგებად ავხსნა, რაზე მინდა საუბარი.
გარკვეული კითხვები დაგროვდა და თავიდან ბოლომდე ავხსნი, რას რატომ და რანაირად.
ვინც ჩვენი გულშემატკივარია და ჩვენ საქმიანობას თვალყურს ადევნებს, ბოლო 1 წელია კი შეამჩნევდა, რომ ჩემ თავს მთლად კარგი ამბები არ ხდება, დავიწყე პარტიის ხელმძღვანელის თანამდებობიდან, მერე იქედან წავედი, ლამის 2 თვე მონასტერში ვიყავი, ოჯახი დამენგრა, პარტიულ საქმიანობას ჩამოვცილდი და კითხვები არის…
ადამიანები იმდენად მიჩვეულნი არიან, რომ პოლიტიკურ სივრცეში ყველა ერთმანეთს ჭამს, გადაგდებებით არიან დაკავებულნი, რომ ეჭვები ჩნდება. გულშემატკივრებმა კი იციან რომ კარგი დამოკიდებულება გვაქვს და საძმაკაცო ვართ, გარედან მტრები ვინც არიან, ნაცები, ისინი მაგას ცდილობდნენ, რომ აეწიათ, მაგალითად მოიგონეს, რომ ფული ვერ გაიყვეს და ასე შემდეგ. გასაგებია, რომ ჩვენი მხარდამჭერები არ “ჭამენ” მაგას მაგრამ კითხვები არის. მე სად წავედი, ვინმემ გვერდზე ხომ არ გამწია, ან თუ ჩემით გავიწიე, რა დროს გვერდზე გაწევა იყო, როცა ასეთი კრიტიკული სიტუაციაა.
არის დრო, მხარდამჭერებს ავუხსნა რატომ ვარ გაწეული გვერდზე და დარწმუნებული ვარ, ხალხი გაიგებს. სიტუაცია სინამდვილეში არის ესეთი – კი იცით, რომ სხვა ქალის გამო ოჯახი დავანგრიე, ეგ თემა მოგიყევით ადრეც, ცალკე ძალიან მძიმე თემა იყო ჩემთვის. არის ეგეთი გარემოება, რომ სხვა კიდე, ქალთან ურთიერთობები რომ მქონდა, ვიღაცეებს ხელში ჩაუვარდათ ჩემი გოგოსთან მიმოწერის კადრები, ინტიმური ურთიერთობა, ასე შემდეგ და ასე შემდეგ. იყო გარკვეული შანტაჟის თემები, გამოვაქვეყნებთ და ასე შემდეგ.
მე რომ რომელიმე ლიბერასტულ პარტიაში ვიყო, ქალთან ურთიერთობა რა, ბევრად უფრო უარესებიც გამოუქვეყნებიათ და ფეხზე კიდიათ, მაგრამ ჩვენ შემთხვევაში, ანუ კონსერვატიული პარტიის შემთხვევაში, რომელიც პოზიციონირებს ეგრე, რომ ქრისტიანული მორალის დაცვაა ამოცანა საქართველოში, მანდ პარტიის ლიდერს ან პარტიის ერთ–ერთ სახეს რომ რაღაცა ეგეთები დაუდონ, გამოუქვეყნონ, ეგ თვითონ საქმეზე არის დიდი დარტყმა. ის რაც ვიღაცეებისთვის არაფერი არ არის, ჩვენი ტიპის ძალისთვის სხვა რაღაცაა. პლიუს მაგას არის ბანალური… ბანალურიც არაა, მნიშვნელოვანია სინამდვილეში. ის გოგო, ვისზეც კადრებია და მიმოწერა და ასე შემდეგ, (აქ ზურა მახარაძე ორ დეტალს ასახელებს, რასაც გამოვტოვებთ, რათა არ მოხდეს პირის იდენტიფიცირება – “ალია”) და ჩემზე პოლიტიკური ზეწოლის გამო, ჩემზე ვიღაცა აკრეფილია, პირადი და პოლიტიკური ანგარიშსწორების გამო გამოაქვეყნონ, იმ ადამიანმა რა დააშავა, ხო?
ამიტომ, გინდა საქმის და გინდა ადამიანური თემებიდან გამომდინარე, საჭირო იყო, რომ მე გავწეულიყავი აქედან. ჩემი შეცდომების და არასწორი საქციელების გამო, მე ვერ აღმოვჩნდი ისეთი ადამიანი, რომელიც შეძლებდა ამ პოლიტიკური პოზიციის და ამ საქმისთვის ყოფილიყო ლიდერი და სახე. ზუსტად მაგიტომ მოხდა ჩემი გვერდზე გაწევა. ეს საქმე სინამდვილეში, ბევრად უფრო მნიშვნელოვანია, ვიდრე ჩემი მოკრძალებული პერსონა და ჩვენი ცალკეული წევრის პირადი ამბიციები. ამიტომ ვარ მე გარეთ…
ვინც კონრეტულად ჩემ ბედზე ნერვიულობს და აინტერესებს მომავალში რას ვაპირებ, პირადს რაც შეეხება, ეგ ეტაპი ჩემ ცხოვრებაში დავხურე, ყველა იმ ფიგურანტთან ერთად, ვისზეც ვსაუბრობდი, ახლა სხვა ცხოვრებას ვიწყებ, მაგ ყველაფრისგან დამოუკიდებლად, ახალი ოჯახის შექმნას ვაპირებ, ნიშნობა მქონდა ახლა, კი იცნობთ იმ ადამიანს, თათიასთან მოხდა ნიშნობა, ქორწილიც იქნება მალე, ამ მიმართულებით, ესე განვითარდა ჩემი ბედი.
რაც შეეხება პოლიტიკურ თემებს, მინდა, ყველას, ვიც გვერდზე მედექით, ბოდიში მოგიხადოთ, ვერ აღმოვჩნდი იმ თვისებების მატარებელი, რაც საქმეს სჭირდებოდა, ლიდერისთვის საჭირო კრიტერიმები ვერ დავაკმაყოფილე და ერთადერთი თავის გასასამართლებელი შეიძლება ის მქონდეს, რომ მაგისი პოლიტიკური ფასიც გადავიხადე, იმიტომ რომ პოლიტიკაში აღარ ვარ, რა პოზიციაზეც ვიყავი, ვრჩები, ბიჭები, ჩემი ძმაკაცები, რომლებიც ამ საქმეს თავში უდგანან, რა ბრძოლაშიც შევლენ, მე მანდ ვიქნები და თქვენ მაგას ნახავთ. ხვალ და ზეგ, თუ აქცია, გამოსვლა იქნება ქუჩაში, შეიძლება ტრიბუნაზე ვეღარ ვიდგე, მაგრამ თქვენთან ერთად წინ ვიდგები და რა ბრძოლაშიც დაგვიძახებენ, წინა ხაზში მე გავყვები.”
ზურაბ მახარაძემ ბოდიში უთხრა პარტიის ლიდერებს და თქვა, რომ “ყველაზე კრიტიკული მომენტში მათ მისი პირადი ურთიერთობების და პირადი შარის ატანა მოუწიათ.”
(სტილი დაცულია)

სხვადასხვა სამუშაოების ჩატარების გამო 24 მარტს ელექტრომომარაგება დროებით შეიზღუდება გლდანის რაიონი გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გლდანის მასივის VI მიკრო...
საზოგადოება • 1679596203

23 მარტის ვაჭრობის შედეგად აშშ დოლარი გამყარდა და 2.5768 ლარი შეადგინა. კურსი, რომელიც დღეს მოქმედებდა, 2.5754 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით -0.0014 ლარი შეადგ...
ბიზნესი & ეკონომიკა • 1679595466

Bloomberg - ის ინფორმაციით, "ვაგნერის" დამფუძნებელი ევგენი პრიგოჟინი უკრაინაში თავისი დაქირავებული მებრძოლების ომში მონაწილეობის შეჩერებას აპირებს. სავარაუდო გადაწყვეტილების მიზეზი კი რუსეთის მიერ, ვა...
რუსეთ-უკრაინის ომი • 1679595335

„ქართული ოცნების“ ყოფილი წევრი თამარ ჩუგოშვილი „პალიტრა ნიუსის“ ეთერში აცხადებს, რომ პარტიის საგარეო კურსი უცნაურად შეიცვალა. „ძალიან უცნაური ცვლილებები განიცადა პარტიის საგარეო კურსმა. მე არ ვიცი რა...
პოლიტიკა • 1679595219

ფარმაცევტული კომპანია PSP ონკოლოგიური მედიკამენტების ფასებთან დაკავშირებით განცხადებას ავრცელებს და აცხადებს, რომ ონკოლოგიურ მედიკამენტებზე საოპერაციო ხარჯებისთვის განსაზღვრული პოლიტიკით მინიმალური დ...
ბიზნესი & ეკონომიკა • 1679594436

სპეციალურმა საგამოძიებო სამსახურმა აჭარაში, სამეგრელოსა და თბილისში ჩატარებული საგამოძიებო და საპროცესო მოქმედებების შედეგად, მიმდინარე წლის იანვარ-მარტის თვეში, საქართველოს შინაგან საქმეთა სამინისტრო...
სამართალი • 1679594167