"თაღლითური სქემა... მოგიყვებით როგორ იპარავენ რუსები ჩვენს ფულს დისტანციურად"

სოციალური ქსელის მომახმარებელი, სოფო სალუქვაძე მომხმარებლებს რუსეთის მოქალაქეების მიერ შემუშავებულ თაღლითური სქემის შესახებ ფეისბუქში აფრთხილებს და საკუთარ გამოცდილებას უზიარებს.

"გააზიარეთ ყველამ!!! ეხლა მოგიყვებით რუსები როგორ იპარავენ ჩვენს ფულს დისტანციურად. ეს შეიძლება ყველა თქვენთაგანს დაემართოს, მოკლედ სახლში მქონდა საბავშვო ნივთი რომელიც დიდ ადგილს იკავებდა და გადავწყვიტე გამეყიდა Mymarket-ის მეშვეობით, დავდე განცხადება და იმავე დღეს whatsup ზე შემეხმიანა დაახლოებით 5 ადამიანი სულ ყველა რუსი, ერთ ერთმა დეტალურად გამომკითხა ყველაფერი, ჩამაგდებინა დეტალური ფოტოები ანუ მაფიქრებინა რომ ნივთი ნამდვილად უნდა და შემდეგ მითხრა რომ DHL მიტანის სერვისით უნდოდა სარგებლობა და გამომიგზავნა dhl ლინკი სადაც ივსებოდა საბანკო ბარათის მონაცემები რომ ჩამრიცხოდა თანხა და გაგზავნა/ მიწოდების რეკვიზიტები, იმდენად პროფესიონალურად იყო შესავსები მონაცემების ანკეტა რომ ეჭვიც არ შემპარვია, უბრალოდ ბოლომდე რომ მივყევი არ გამიშვა იმის გამო რომ იმ კონკრეტულ ბარათზე არ მქონდა თანხა და მივწერე რომ ამ ბარათზე თანხა არ მაქვს და არ მარეგისტრირებსთქო.

უიო რაღაც თანხა უნდა გქონდეს ესე ითხოვს კომპანიაო, რომ ჩარიცხავ მომწერე და ეგრევე დაგიჯდება თანხაო და დავიშალეთ, მოკლედ იმ დღეს არაფერი არ მიფიქრია , გუშინ ისევ მომწერა ერთმა გოგომ ისევ რუსმა და იგივენაირად დეტალურად გამომკითხა და მითხრა რომ უნდა ისარგებლოს mymarket ის მიტანის სერვისით აი მანდ მივხვდი რომ რაღაც ისე ვერ იყო , იმიტომ რომ როგორც ვიცი ამ გვერდს მიტანის სერვისი არ აქვს, მერე შევედი მათ გვერდზე და შეტყობიბებეში და არის რამოდენიმე მესიჯი გაფრთილების რომ ეს არის კარგად შემუშავებული თაღლითური გეგმა და ფრთხილად ვიყოთ ყველა, აი მაშინ ყველაფრს მივხვდი და მერე თავში დამარტყა რომ იმ წინა რუს ვითომ დაინტერესებულ ელენას მეთვითონ გავუგზავნე ჩემი პირადი მონაცემები, პირველი რაც ვქენი დავბლოკე /გავაუქმე ბარათი და აი მერე უკვე მივწერე რომ ვიცი რომ თაღლითია და რომ წაშალოს ჩემი მონაცემები და მომდის მუქარის მესიჯი რომ თუ მალე 500 ლარს არ გადავირიცხავ ჩემი მონაცემებით აიღებენ სოლიდურ ონლაინ სესხს, რაც ნამდვილად შეეძლოთ ბარათი რომ არ გამეუქმებინა, ანუ მე გადავრჩი სრულიად შემთხვევით, ბანკში რომ დავრეკე ოპერატორმა მითხრა, რომ ძალიან ძალიან ბევრი ასეთი შემთხვევა აქვთ დღის განმავლობაში როცა რაც კი თანხა უდევთ ხალხს ანგარიშზე ეგრევე იპარავენ. ასევე შევატყობინე პოლიციასაც და მივაწოდე ყველა ინფორმაცია, ვფიქრობ ეს ყველას შეიძლება შეეხოს და ყველა გაგვქურდონ ამიტომ, ტელევიზიებო, ჟურნალისტებო აუცილებლად გააშუქეთ რომ თუნდაც თქვენ არ გახდეთ ამ კარგად შემუდავებული თაღლითური სქემის მსხვერპლი. 

1. მე mymarket მობილური აპლიცაციით ვისარგებლე და შესაბამისად გაფრხილება ეგრევე არ ვარდება და ამიტომ ვერ გავიგე თავიდანვე 2. რუსზე ერთადერთი მიზეზით ვყიდდი ნივთს, რადგან იყო საბავშვო და ვიფიქრე, როგორ სჭირდება-მეთქი, ადამიანური და დედური მომენტიდან გამომდინარე".